کور / راپور / په ټورنټو کي د ارمان شهيد يا غونډه جوړه سوه

په ټورنټو کي د ارمان شهيد يا غونډه جوړه سوه

په ټورنټو کي لروبر افغانانو په شهید ارمان پسې د قران عظیم الشان ختم وکړ!
نن جمعه د (۱۵ فبرووي) د پروفیسر شهید ارمان لوڼي د شهادت په خاطر په ټورنټو کي میشت افغانانو د قران عظیم الشان ختم وکړ.

په دغه مراسمو کي چي د لروبر ګڼ شمېر افغانانو ګډون کړی و د قران عظیم الشان د ختم تر مراسمو وروسته د شهید پروفیسر ارمان لوڼي د شهادت په خاطر د هغه له کورنۍ او د ټوله محکوم افغانستان د اوسیدوکو سره خپله خواخوږي سرګنده کړه او دې غونډي ته د شهید ارمان خور وړانګي لوڼۍ ویډیو پیغام، چي ددې غونډي په مناسبت یې رالیږلی و وړاندي سو.

په پیغام کي وړانګي لوڼۍ وویل “ شهید ارمان د لروبر افغان د ارمانونو شهید دئ، د ټولو افغانانو څخه زموږ له کورنۍ سره په دې درانه غم کي د ګډون او غمشریکۍ څخه مننه کوم.

زه له ټولو افغانانو څخه دا هیله کوم، چي د شهید ارمان د ازاد، خپلواک، سوکاله او پر خپلو پښتو ولاړ لروبر ټبر د جوړېدو ارمان پوره کړي او په خپلو منځو کي اتحاد او اتفاق وساتي”. په کاناډا کي میشتو افغانانو د افغان حکومت څخه غوښتنه وکړه، چي د شهید ارمان هغه ارمان ور پوره کړي، چي غوښتل یې خور یې “وړانګه لوڼۍ” د طب ډاکټره سي او هغې ته په افغانستان کي د طب په برخه کي د زده کړو زمینه برابره کړي او که افغان حکومت دا کار نه کوي، نو دلته میشت افغانان به په شخصي پوهنتونونو کي د وړانګي لوڼۍ د زده کړو ټوله لګښت پر غاړه اخلي.

ددې ور اخوا به د شهید ارمان د کورنۍ سره هر اړخیزه مرسته کوي او د شهید ارمان او نورو پښتنو د شهادت او زوروني په اړه به د کاناډا پارلمان، د بهرنیو چارو وزارت، د لومړي وزیر دفتر او په کاناډا کي ګڼ شمېر د بشري حقونو سازمانونو او اشخاصو ته د پاکستاني ترورستي ادارې په اړه شکایت لیک سپاري.

 

په کاناډا کي د شهيد ارمان لوڼي په ياد غونډي ته د وړانګي لوڼۍ پيغامنور جزيات پر لراوبر ډاټ کام ولولئ او شېر يې کړئ.https://larawbar.net/49656.html#ArmanLoni

Posted by ‎Larawbar.com لراوبر‎ on Saturday, February 16, 2019

.