لراوبر ویب پاڼه لراوبر يو افغان – تازه خبرونه
د هند د کرکيټ ملي ټيم لوبغاړو د پوځي خوليو پر سر کولو سره د پاکستان غوسه راپارولې ده.
پاکستان د هندي لوبغاړو په دې کړنه باندي د کرکيټ نړيوالي شورا ته شکايت کړی دی.
پاکستان وايي، د هندي لوبغاړو د پوځي خوليو پر سر کول د ګواښ په مانا دي او دوی ددې کار سره مخالفت کوي.
دوې ورځي وړاندي د هند کرکيټ بورډ پر خپله ټويټرپاڼه ويلي وه، چي ددوی لوبغاړي به د پلوامه بريد د قربانيانو او د خپل پوځ سره د يووالي په موخه پوځي خولۍ پر سر کړي.
همدا وو چي تېره ورځ د اسټراليا پر وړاندي لوبه کي هندي لوبغاړو د خپل هيواد پوځي خولۍ پر سر کړي وې.
د هند او پاکستان اړيکي وروسته له هغه د جګړې تر بريده ورسېدې، چي د فبروري مياشتي پر ۱۴ نېټه په هندي کشمېر کي ځانمرګي بريدګر د هند ګڼ شمېر نيمه پوځي سرتېري ووژل.
د بريد پړه پاکستان مېشتي ترهګري ډلي جيش محمد پر غاړه واخيستل.
وروسته له دې هندۍ الوتکو په پاکستان کي د جيش محمد نومي ډلي ستر مرکز بمبار کړ چي ددغه ډلي په سلګونو جنګيالي ئې ووژل.
هند وايي، پاکستان پر دغه هيواد د هند د الوتکو د بريد په تړاو د خلګو څخه مالومات پټوي.
