ايران له پاکستان څخه غوښتي دي چي په خپله خاوره کي دي هغه ترهګر په نښه کړي کوم چي په ايران کي د ثبات ګډوډولو هڅي کوي.

د ايران خبري اژانس ايرنا د راپور له مخي، ولسمشر حسن روحاني د پاکستان د لومړي وزير سره د ټلفون پر ليکه خبري کړي او له هغه څخه ئې غوښتني چي په د هغه حکومت دي په پاکستان کي د ميشتو ترهګرو پر ضد عملي ګامونه واخلي .

د ايرنا اژانس په حواله، حسن روحاني له پاکستاني سيال څخه غوښتي چي هغه بريدګر دي ونيسي کومو چي په ایران کي د فبروري پر ۲۷ د انقلابي ګارډ ۲۷ کسان ووژل.

د روحاني په خبره، دی نه غواړي د پاکستان سره ئې د لسيزو اړيکي د ترهګرو د فعاليتونو ښکار سي.

حسن روحاني دا هم ويلي، چي که پاکستان په خپله خاوره کي د ترهګرو پروړاندي بې تفاوته پاتي سي نو د ايران دولت به خپله لاس په کار سي او د ترهګرو ځالي به له منځه يوسي.

په ايران کي د فبروري د ۲۷ نېټې د بريد پړه جيش العدل نومي ډلي پر غاړه واخيستل چي ترډېره د پاکستان له خاوري د بريدونو پلانونه جوړوي.

د ایران انقلابي ګارډ ويلي، چي ددغه بريد غچ به اخلي.

پاکستان په نړۍ کي د ترهګرو د پاللو او هغوی ته د مالي امکاناتو په برابرولو کي ترټولو ستر مرکز ګڼل کېږي.

نړيوال په يوه خوله پاکستان يو ترهګريز هيواد بولي او ددغه هيواد د ترهګريز سياست د بدلولو هڅي کوي.