د پاکستان د لومړي وزير عمران خان څرګندوني چي د افغانستان په هکله ئې کړي په افغانستان او پاکستان کي غندل سوي دي.

نوموړي تېره ورځ وويل، چي د افغانستان د ستونزي حل يواځي او يواځي د مؤقت حکومت په جوړولو کي دی.

نوموړي په اسلام اباد کي خبريالانو ته وويل، د افغانستان اوسنی حکومت بايد منحل او پر ځای ئې مؤقت حکومت رامنځ ته سي.

د عمران خان د څرګندونو په غبرګون کي افغان دولت له اسلام اباد څخه خپل سفير عاطف مشعل راوغوښت او په د بهرنيو چارو وزارت په کابل کي د اسلام اباد مرستيال سفير احضار کړ.

دا لومړی ځل نه دی چي عمران خان د افغانستان په هکله د مؤقت حکومت جوړولو خبره کوي، له دې وړاندي ئې په قبائلو سيمه کي هم ورته څرګندوني کړي وې.

د عمران خان يادي څرګندوني په کور دننه پاکستان کي هم ګڼو سياسي څېرو غندلي دي.

پخوانی سناتور افراسياب خټک پر خپله ټويټر پاڼه ليکلي، چي عمران خان غواړي د طالبانو دريځ پر افغانانو وتپي او په دې سره د طالبانو هغه غوښتنه چي د مؤ قت حکومت په هکله ئې کړې وه پوره سي.

Imran’s statement about an “ interim government “ in Afghanistan is undoubtedly a gross violation of Afghan sovereignty.The issues of transition process in Afghan reconciliation were deemed to be the subject of intra Afghan dialogue (supposed to be Afghan-led & Afghan-owned).1/4

— Afrasiab Khattak (@a_siab) March 26, 2019

نوموړی وايي: په افغانستان کي د مؤقت حکومت د جوړیدو په اړه د عمران خان څرگندوني له شک پرته د دغه هيواد پر ملي حاکمیت تیری دی. په افغانستان کي د قدرت د انتقال په اړه خبري د سولې د خبرو موضوع وه چي افغانانو به د یو بل سره کوله.”

نوموړي ويلي، د عمران خان دا ډول څرګندوني په ښکاره ډول د بين الافغاني خبرو اترو سپکاوی دی.

بل خوا سياسي شنونکي وايي، چي د عمران خان څرګندوني په اصل کي د پاکستان د پوځ خبره ده ، چي د عمران خان په خوله ئې کوي.

د پښتون ژغورني غورځنګ مخکښ مشر علي وزير هم د عمران خان د څرګندونو په غبرګون کي ويلي، چي دا د افغانستان پر ملي حاکميت ښکاره تېری دی.

Condemnable statement by Pakistani PM regarding Afghanistan,
He said that their should be interim government to talk with taliban.
——————————————————
This is the worse form of diplomatic approach for neighbor and elected government.

— Ali Wazir (@Aliwazirna50) March 26, 2019

” نوموړي پر ټويټرپاڼه ليکلي: “د سیمې د امنیت او سوکالۍ لپاره اړينه ده چي هیوادونه د یو بل د ملي حاکمیت درناوی وکړي.

همداراز د پښتون ژغورني غورځنګ بل مشر محسن داوړ ويلي، چي دا ډول څرګندوني د غندولو وړ دي.

: “د عمران خان دا خبره چي په افغانستان کي دي موقت حکومت جوړ سي، د غندلو وړ خبره ده. دا د گاونډي هيواد پر وړاندی یو ډیر ناوړه ډپلوماتیک دریځ دی.”

 

په پېښور کی د سياسي چارو بل شنونکی پروفيسر اسماعيل بيا پر خپله ټويټرپاڼه ليکلي: “عمران خان خپل ملک نه سي سمبالولی او ګاونډي افغانستان ته مشورې ورکوي. دا کس د جنرالانو په غلامۍ کي هر څه کوي. د افغانستان په کورني چارو کي د پاکستان لاسوهنه د زغملو نه ده.”

عمران خان پاکستان کو سنبھال نہیں سکتا اور پڑوسی ملک افغانستان کو مشورے دیتا ہے۔ یہ آدمی جرنیلوں کی نوکری میں کچھ بھی کہہ سکتا ہے۔ افغانستان میں پاکستان اور پاکستانی اداروں کی مداخلت ناقابل برداشت جرم ہے۔

— Prof.M.Ismail (@ProfMIsmail) March 26, 2019

همداراز په افغانستان کي اجرائيه رياست او ګڼو سياسيونو دا ډول څرګندوني بې شرمانه بللي دي.