په جنوبي وزيرستان کي د پي ټي ايم مخکښ غړي عارف وزير له زندان څخه تر راخوشي کېدلو وروسته ويلي دي، چي عدالت ته به دی خپله ورځي او هلته به خپله دا تپوس کوي چي ولي دا دومره موده بندي کړل سوی وو او په کوم جرم دی بندي ساتل سوی وو.

عارف وزير د پښتون ژغورني غورځنګ د مخکښ مشر علي وزير د تره زوی دی، چي شاوخوا څلور مياشتي وړاندي په لورلايي کي د پښتون ژغورني غورځنګ د لاريون پر مهال پوليسو نيولی وو او پرته له کوم جرم او مقمې ئې په بند کي ساتلی وو.

عارف وزير نن وويل، چي دی به ددې پوښتنه ارومرو کوي، چي ولي دی دومره موده په زندان کي اچول سوی وو او دده د کورنۍ غړي ملاقات ته نه پرېښودل کېدل.

عارف وزير وايي، موږ نه پوهېدلو چي چرته بنديان يو.

نوموړی وايي، زموږ جرم يواځي داوو، چي د پي ټي ايم غړي يو.

د پي ټي ايم مشر منظور پښتين هم عارف وزير او د هغه سره ملګري صابر او سيف الله ته د خوشي کېدلو لپاره ښه راغلاست ويلی دی.

دا پی ٹی ایم وانہ یو مخکش عارف وزیر دا زندان نہ راخلاص شو ۔
پی ٹی ایم وانہ کے نڈر سرکردہ رہنما عارف وزیر کئی مہینے بے گنا قید کاٹنے کے بعد آج رہا ہوگئے ۔
شہ راغلست عارف جانہ

— Manzoor Pashteen (@ManzoorPashteen) April 24, 2019

ښاغلي پښتين دا هم ويلي دي، چي پرون ورځ په ټانک سيمه کي ددوی دوه نور فعال غړي نيول سوي دي.

ضلع ٹانک کے پی ٹی ایم کے سرگرم دوست تنویر جرار ، عبدالوحید ، اور گل حسین کو ریاستی اداروں نے لینڈ مائنز ویکٹم ، اور جنگ ذرہ مظلوم پشتونوں کے لئے آواز اٹھانے کے جرم کی پاداش میں سرکاری عقوبت خانے میں بند کر دئے… https://t.co/GH1tWonV21

— Manzoor Pashteen (@ManzoorPashteen) April 24, 2019

پښتون ژغورني غورځنګ يو فعال اولسي تحريک دی، چي د پښتنو د حقوقو غوښتنه کوي او ددوی د غوښتنو پر وړاندي پاکستاني پوځ او استخبارات د اندېښنو سره مخ سوي دي، نو ځګه ددغه غورځنګ فعاليتونو ته ګواښونه پېښوي.