لراوبر ویب پاڼه لراوبر يو افغان – تازه خبرونه
طالبان وايي، د افغانستان لپاره د المان هيواد ځانګړي استازي مارکس پوتزيل او ورسره پلاوي د ملابرادر اخوند سره کتلي دي.
په قطر کی د طالبانو د سياسي دفتر څخه په خپره سوې خبرپاڼه کي ويل سوي، چي دغه کتنه تېره ورځ د قطر په پلازمېنه دوحه کي ترسره سول.
په اعلاميه کي ويل سوي، چي ددواړو لوريو خبري په افغانستان کي د امريکايي ځواکونو پر شتون، د امريکايانو سره پر مذاکراتو اود ملکي تلفاتو پر مخنيوي باندي متمرکزي وې.
له دې وړاندي د اندونيزيا د بهرنيو چارو وزېري رېنتو ليستاري هم په قطر کي د طالب استازو سره کتلي دي.
په ورته وخت کي د امريکا ځانګړی استازی زلمی خليلزاد هم تېره ورځ قطر ته رسېدلی او د طالب مشرانو سره ئې کتلي دي.
طالبان وايي، چي د زلمی خليلزاد سره ئې خبري پر دې ورټولي وې، چي څرنګه له افغانستان څخه بهرني پوځيان ووځي او په مقابل کي به ئې افغانستان د بهرنيو لپاره امنيتي ستونزه نه جوړوي.
طالبانو د ا مريکايي استازو سره د شپږم پړاو خبري پيل کړي دي، خو لا هم د افغان دولت سره مخامخ خبرو ته نه دي کښېنستلي او د بين الافغاني مذاکراتو څخه ئې نټه کړې ده.
