لراوبر ویب پاڼه لراوبر يو افغان – تازه خبرونه
د کندهار ولایتي چارواکي وايي، چي په سپین بولدک ولسوالۍ کي ۲۱ وسلوالو مخالفينو ته مرګ ژوبله اوښتې.
د کندهار د والي وياند عزيز احمد عزيزي وايي، چي تېره شپه د سپین بولدک ولسوالۍ اړوند د بولک نیکه پر پوستې وسلوالو حمله کړي چي په پايله کي يې ۱۴تنه وسلوال مخالفين وژل سوي او ۷ تنه زخميان سوي دي.
د ښاغلي عزيزي په خبره، په دغه نښته کي همدارنګه ۳ پوليس هم وژل سوي او ۴ تنه زخميان دي.
طالبانو تر دامهاله په دې هکله څه نه دي ويلي.
دا نښته پر داسي مهال رامنځ ته سوې، چي تېره ورځ ولسمشر غني د روژې مياشتي په مناسبت پر طالبانو د اوربند ږغ وکړ، خو طالبانو وويل، چي په روژه مياشت کي جګړه تر نورو مياشتو زيات ثواب لري، نو په همدې اساس اوربند نه کوي.
