لراوبر ویب پاڼه لراوبر يو افغان – تازه خبرونه
ټاکل سوې ده سبا د مي پر ۱۶ نېټه په کوټه کي د ګرانۍ او نا امنۍ پر ضد پراخ لاريون وسي.
دا لاريون چي د سوداګرو ملي ټولني جوړ کړی، پکي عمده غوښتني د امنيت د سمېدلو او د خوراکي توکو د بيو راټېټېدل دي.
تېره ورځ ملي سوداګرو او د اپوزيسون ګوندونو غړو وويل، چي مرکزي حکومت د پښتنو سيمو په حق کي په ښکاره درغلي کوي او ددغه سيمي لپاره ځانګړې سوې بوديجه په لوی لاس ضائع کېږي.
په کوټه او پښتني سيمو کي د پاکستاني رياست له لوري په ښکاره ناامني ته لمن وهل کېږي او د سيمي د خلګو د اقتصادي وضعيت د خرابولو لپاره باقاعده کاروايي کېږي.
ملي سوداګرو تېره ورځ وويل، چي ددوی په علاقه کي حکومت په لوی لاس د توکو بيي لوړي کړي دي او ترڅنګ ئې ناامني هم رامنځ ته کوي.
دوی وويل، چي د خپلو بنیادي حقوقو د غوښتني لپاره به سبا په کوټه کي لاريون وکړي او که حالات سم نه سول، نو خپل لاريونونه به نورو سيمو ته هم وغځوي.
