لراوبر ویب پاڼه لراوبر يو افغان – تازه خبرونه
ملګرو ملتونو د پاکستان هغه غوښتنه رد کړه، چي ګڼي پرينکا چوپړا دي ددغه سازمان د امن سفيرانو له ليست څخه و ايستل سي.
څو ورځي وړاندي د پاکستان د بشري حقونو د سازمان مشري شيرين مزاري ملګرو ملتونو ته ليک لېږلی وو، چي هندۍ هنرمنده پرينکا چوپړا دي د کشمير په موضوع کي د دخالت له امله د ملګرو ملتونو د ښه نيت سفيرانو له ليست څخه و ايستل سي.
خو ملګرو ملتونو د پاکستان دا غوښتنه رد کړه.
د هندي سينما فلمې ستورې پريانکا چوپړا چي د ملګرو ملتونو د سولي سفيره هم ده اوس پاکستان غوښتنه کوي چي ملګري ملتونه دي له دې څخه دغه امتياز واخلي.
د پاکستان د بشري حقونو وزيره شيرين مزاري وايي، موږ ملګرو ملتونو ته ليک لېږلی چي د پريانکا چوپړا څخه دي د سولي سفيري امتياز واخلي، ځکه هغې د پاکستان پر وړاندي د اټومي جګړې خبره کړې ده.
آغلي چوپړا په فبروري کي په کشمير کي د چاودني وروسته يوه ټويټ کي وويل، چي هند بايد پر پاکستان اټومي بريد وکړي او په دغه هيواد کي د تروريستانو مرکزونه له منځه يوسي.
ددغه ټويټ له امله پر هغې باندي ګڼو پاکستاني چارواکو نيوکي وکړې او دا ئې تشدد ته د هڅولو په مانا وبلل، خو آغلي چوپړا وويل، چي له ټويټ څخه ئې هدف د خپل هيواد سره مينه او د خپل پوځ ملاتړ دی.
Jai Hind #IndianArmedForces 🇮🇳 🙏🏽
— PRIYANKA (@priyankachopra) February 26, 2019
د پاکستان د بشري حقونو وزيري شیرین مزاري د ملگرو ملتونو څخه په یوه ليک کي غوښتنه وکړه چي پریانکا چوپړا دي د سولي په لړ کي د ادارې اصول مات کړي دي نو ځکه دي له هغې څخه د سولي د سفیرې امتیاز واخیستل سي.
په تېره فبرورۍ مياشت کي د هند په کشمیر سيمه کي يوځانمرګي بريدګر د هند شاوخوا ۴۰ نيمه پوځي سرتېري ووژل.
ددغه بريد پړه پاکستان مېشتي ترهګري ډلي جيش محمد پرغاړه واخيسته.
دې کار د هند غوسه راوپارول او په غبرګون کي ئې د پاکستان پر خاوره هوايي بريد وکړ چي يکي د جيش محمد ګڼ ترهګر ئې ووژل.
