لراوبر ویب پاڼه لراوبر يو افغان – تازه خبرونه
د لغمان چارواکي وايي، چي ددغه ولایت په اليشنګ ولسوالۍ کي د هاوان ديوې مرمۍ له امله د يوې کورنۍ پنځه غړي شهيدان سوي دي.
د چارواکو په خبره، دهوان دغه مرمۍ د طالبانو لخوا توغول سوې او د ملکي وګړو پر يو کور پرېوتلې ده چي پکي د همدغي کورنۍ پنځه غړي په شهادت رسېدلي دي او شپږ تنه نور ټپيان دي.
پېښه تېر ماښام ناوخته رامنځ ته سوې او د پېښي ټپيان نژدې روغتون ته انتقال سوي دي.
وسلوالو طالبانو په دې تړاو تراوسه څه نه دي ويلي.
په افغانستان کي د جګړو له امله د ملکي وګړو تلفات خورا ډېر سوي دي چي دولت او طالبان ئې يو پر بل پړه ور اړوي.
