لراوبر ویب پاڼه لراوبر يو افغان – تازه خبرونه
د پاکستان د تحريک انصاف يو مخکښ سيک مذهبه غړي بلديو کمار په هند کي د سياسي پناه غوښتنه کړې ده.
ښاغلی کمار چي د خيبر پښتونخوا د صوبايي اسمبلۍ غړی هم پاتي سوی وايي، چي نور ورته پاکستان د ژوند کولو لپاره مناسب نه دی.
نوموړی څو مياشتي وړاندي د خپلي کورنۍ سره هند ته ددې لپاره تللی وو، چي هلته د خپلو دوستانو سره وويني، خو بيا پاکستان ته نه دی راستون سوی.
ښاغلی کومار وايي، پاکستان راته د جهنم په څېر دی ، دلته زموږ عزت، کورنۍ او ماشومان هيڅ خوندي نه دی، پر حکومت باندي باور مو بيخي له منځه تللی دی، نو خپل او د کورنۍ ژوند ساتلو لپاره نور نه غواړم چي پاکستان ته ولاړ سم.
نوموړي د عمران خان په هکله وويل، چي يو چلبازه او خائن سړی دی او د شخصيت له اړخه ډېر ټيټ انسان دی.
ښاغلی کومار يو وخت د عمران خان په مشرۍ د تحريک انصاف ګوند د خيبر پښتونخوا د اسمبلۍ غړی هم وو.
