صوفي شاعر ارواښاد رحمان بابا      

بسم الله الرحمن الرحیم :

پيغمبر آخر زمان دى محمد
ستايل شوى په قران دى محمد
هم محبوب دپاك سبحان دى محمد
اولوالعزمه عاليشان دى محمد
په نبيانو كې سلطان دی محمد

رب پيدا كړه دا دنيا د ده په مخ
لمر ته وركړله رڼا دده په مخ
شفاعت به شي عقبا دده په مخ
امت ومونده لوړتيا دده په مخ
په امت باندې ډېر ګران دى محمد

دغه نور چې په عرب كې شو پيدا
دومره خور شو چې رڼا يې كړه دنيا
دحق دين يې كړ جاري په ښه وينا
محمد  ؤ آخر ين الانبيا
ځكه لمر نه ډېر روښان دى محمد