لراوبر ویب پاڼه لراوبر يو افغان – تازه خبرونه
افغان حکومت وايي، چي په پاکستان کي د آی ايس آی لخوا د افغان سفير پر وربللو اندېښمن دی او دا موضوع په جدي توګه څېړي.
د افغانستان د بهرنيو چارو وزارت تېره ورځ وويل، چي په اسلام اباد کي افغان سفير عاطف مشعل د آی ايس آی لخوا ور بلل سوی وو او هلته دهغه سپکاوی سوی وو.
وزارت دا نه دي ويلي، چي څنګه د هغه سپکاوی سوی وو او د څه لپاره ور غوښتل سوی وو.
د افغانستان د بهرنيو چارو وزارت وياند ګران هيواد وايي: په اسلام آباد کې د آی اېس آی لخوا افغان سفیر سره د ناوړه چلند له امله، کابل “خپل کلک اعتراض او اندیښنې” څرگندوي او د پاکستان دا کار، د ډیپلوماتیکو اصولو خلاف ورزي گڼي”.
له دې وړاندي په کابل کي د پاکستان سفارت ويلي، چي د امنيتي ستونزو له امله يې خپلي کونسلګرۍ په افغانستان کي تړلي دي او افغانانو ته تر دوهم امر پوري وېزې نه سي ورکولای.
