پاکستان د هند سيکانو ته ددې اجازه ورکړې چي د خپل روحاني مشر ګرونانک د زيارت لپاره پرته له وېزې پاکستان ته داخل سي.

دا پرېکړه څه موده وړاندي د پاکستان لومړي وزير عمران خان وکړه، خو هندي چارواکو خپلو خلګو ته ويلي، چي د پاکستان چل ته بيداره واوسې، هسي نه چي په شاتو کي زهر درکړي.

په ورته مهال پښتنو سياستوالو ويلي، چي پاکستان د خپلو ګټو لپاره هندي وګړو ته پرته له وېزې اجازه ورکوي، خو د يوه ټبر پښتانه بيا سره بېلوي.

پښتون سياستوال افراسياب خټک هم په ټويټر ويلي:

“د بهرنيو چارو وزیر (شاه محمود قرېشي) د کرتار پور د لارې پرانستل د پاکستان او هندي پنجاب ترمنځ د برلن د ديوال غورځولو په نوم ياد کړي خو بل لور ته د ډېورنډ په کرښه پښتانه په بې رحمۍ سره په ځنګله او ازغن تار وېشل سوي، حتی چي دا وېش د ډېورنډ په تړون کې د ورکړل سوي حق سرغړونه ده”.

Kartarpur Corridor is called coming down of the Berlin wall between Pakistani & Indian Punjab by FM Quraishi but Pashtun tribes on the Durand Line are being brutally torn apart by fence & barbed wire ( even in violation of the easement right provided in the Durand Line treaty).

— Afrasiab Khattak (@a_siab) November 9, 2019

بابر په ټويټر ويلي،

“د پاکستان او هند ترمنځ اصل ديوال د دواړو هېوادونو د استبلشمنټ لخوا جوړ د کرکې ديوال دی چي دوی د خپلو ګټو دپاره جوړ کړی دی. دغه ديوال نړولو ته اړتيا لري. دغه رنګ د پاکستان او افغانستان ترمنځ ديوال هم نړولو ته اړتيا لري”.

The real wall between India and Pakistan is the wall of hatred purposely built by their establishments for their own preeminence. It’s this wall that needs to be demolished. Also need to demolish the walls and barriers between Pakistan and Afghanistan https://t.co/M3lj402Xpo

— Farhatullah Babar (@FarhatullahB) November 9, 2019