تېره ورځ پېښور ښار ته څېرمه پاکستاني پوليسو د پښتون ژغروني غورځنګ فعال او ددغه ګوند دبهرنيو چارو مشر نظيف لالا ونيوی او پر هغه باندي يې ايف آی آر ( لومړنی تحقيقاتي راپور) جوړ کړی دی.

نظيف لالا تېره ورځ د پښتني مشرانو يوې غونډي ته تللی وو او کله چي د غونډي له ځای څخه راروان وو،پاکستاني پوليسو ورباندي حمله وکړه او نوموړی يې ونيوی.

د نظيف لالا د نيول کېدو وروسته ګڼو پښتو فعالانو د پاکستاني رياست پرضد کمپاينونه پيل کړل او د نظيف لالا د ژر خوشي کېدو غوښتنه کوي.

د پي ټي ايم يو مخکښ او په پارلمان کي د شمالي وزيرستان د خلګو استازی علي وزير د نظيف لالا نيول کېدل غندلي دي او د هغه د خوشي کولو غوښتنه کوي.

The arrest of senior pastun nationalist and active PTM comrade #NazeefLala is condemnable. He was arrest at karkhanu market check post this evening.
you can just arrest our bodies but you cannot uphold our thoughts in custody. Your,s narritive will shrink.#ReleaseNazeefLala pic.twitter.com/gJoF9sOkYW

— Ali Wazir (@Aliwazirna50) November 24, 2019

په ورته مهال پر ټيويټر باندي هم د #ReleaseNazeefLala هشټک کارول سوی چي د نظيف لالا د ژر خوشي کولو غوښتنه کوي.

پاکستاني رياست د پښتنو د فعالانو په نيولو سره غواړي چي د پښتون ژغورني غورځنګ مخه ډب کړی، خو د پي ټي ايم مشران وايي چي په جېلونو او نيولو سره به دوی هيڅکله خپله مبارزه کمرنګه نه کړي، بلکي تردې به هم پراخه سي.