کور / مېرمن / مور ته څو کرښي!

مور ته څو کرښي!

عبدالحلیم حلمیار

مور ژوندۍ فرشته ده، مور د حکمت ښوونکې ده، مور د زړه آواز دی، مور د کور محراب او محراق دی، مور معنوي ډېوه ده، مور د اولاد د روزني مدرسه ده، مور د خلقت د کارخانو نمونه ده. مور د حقانيت او حقيقت راز اوآواز دی، مور نړۍ ده، مور سمبول د آزادۍ ده. مور پت دی، مور نوم د عزت دی، مور نښان د کاميابۍ ده.

مور د ميني ټولګه ده، مور د زړه جهان دی، مور حيثيت د زندګۍ ده. مور محور، مور ثواب، مور مصداق د کورنۍ ده. مور تاج، مور  کتاب، مور شاهد د بېوسۍ ده.

مور پيل، مور انجام، مور پيغام د خپلوۍ ده. مور سکون، مور ارام، مور قوت د کمزورۍ ده، مور توان، مور زمان، مور علاج د پردېسۍ ده. مور حق، مور ژوند، مور زېری د خوښۍ ده.

مور نعمت، مور انسانيت، مور اسم د جهان د ښېرازۍ ده، مور عالمه، مور معلمه، مور احساس د آرامۍ ده، مور پالونکې، مور روزنکې، مور تخيل د هر خپلوۍ ده. مور آميره، مور ماموره، مور خادمه د نړۍ ده. مور لطف، مور شکر، مور بېلګه د ښادۍ ده، مور ثمر، مور شجر، مور موج د ښکلا او خپلواکۍ ده.

مور مينه، مور وينه، مور همت د هري کورنۍ ده، مور خندا، مور ژړا، مور جنت د خوشحالۍ ده، مور باچا، مور مشر، مور قدر د هستۍ ده، مور بقا، مور وفا، مور قانون د هري فاميلۍ ده، مور ساتنه، مور پالنه، مور تقويه د ضعيفۍ ده، مور ​تحفه، مور منبر، مور ترانه د آبادۍ ده.