لراوبر ویب پاڼه لراوبر يو افغان – تازه خبرونه
د پاکستان پوځ پلوه حکومت غواړي هغه قاضي چي پروېزمشرف ته يې د مرګ سزا اورولې له دندي ګوښه کړي.
د پاکستان د قانوني چارو وفاقي وزير نسيم فروغ وايي، چي قاضي داسي پرېکړه کړې چي د ايين سره په ټکر کي ده او بايد دغه قاضي له دندي ګوښه کړل سي.
نوموړي ويلي: “په فیصله کي لیکل سوي چې د مرګ تر سزا مخکې که پروېز مشرف مړ سو نو د هغه مړی دې د اسلام اباد په ډي چوک کي تر دريو ورځو وځړول سي.”
د هغه په خبره، دا پرېکړه د قانون ضد ده او بايد قاضي وقار له دندي ګوښه کړل سي.
وقاراحمد يو له هغه قاضيانو څخه دی، چي څو ورځي وړاندي يې د پاکستان د پوځ پخواني مشر پروېزمشرف ته د مرګ سزا واورول.
