لراوبر ویب پاڼه لراوبر يو افغان – تازه خبرونه
افغان حکومت وايي، چي په بلخ ولايت کي د طالبانو د يو بريد پر مهال اووه افغان سرتېري وژل سوي دي.
د افغانستان د دفاع وزارت ويلي، “ترهګرو د بلخ په دولت اباد ولسوالۍ کې د ملي امنيت او دفاع ځواکونو په ګډ مرکز بريد کړی د پوځ اووه سرتيري پکې وژل سوي او د دفاع او امنيت شپږ سرتيري پکې ژوبل سوي دي”.
خو طالبانو بيا ويلي چي ۲۰ افغان عسکر يې وژلي دي.
بل خوا د کورنيو چارو وزارت وایي، چي په هلمند ولايت کي د ۱۷ طالب وسلوالو د وژلو خبره کړې ده.
د دفاع وزارت ويلي، “د هلمند په نادعلي اولسوالۍ کي د ملي امنيت د ځواکونو سره په نښته کي ۱۷ طالب ترهګر وژل سوي دي او له دوی څخه په غټه کچه وسله ترلاسه سوې ده”.
