په سوات کي يو غرني پړانګ پر ځايي خلګو حمله کړې او دوه کسان يې ژوبل کړي دي.

د سوات په مټي تحصيل علاقه کي يو ځنګلي پړانګ د هستوګني سيمو ته تللی او هلته يې پر دووکسانو بريد کړی او دواړه يې ژوبل کړي دي. خو د پېښي پر مهال ځايي اوسېدونکو پړانګ وژلی دی.

د سيمی پوليو د پړانګ وژلو په تور يوه مقدمه درج کړې ده چي له مخي به يې د پړانک وژونکي ته درې کاله قيد او دوه لکه روپيو جرماني سزا ورکول کېږي.

د سيمي يو قامي مشر ملک غفور وايي، چي د پاکستان رياستي قوانين شرمونکي دي.

هغه وايي: “يو داړونکی حيوان چي زموږ خلګ وژنی همداسي به ورته ګورو او په هغه حيوان به هيڅ کار هم نه لرو، دا درياست قوانين خو ډېر شرمونکي دي، هغه څوک چي د ځان په دفاع کي يو حيوان وژني رياست ورته درې کاله سزا او دوه لکه روپۍ تاوان اخلي، دا قانون انساني نه دی”.

د سختو واورو او يخنۍ له کبله ځنګلي حیوانانو ته د خوراک موندل ګران وي، ځګه نو انساني هستوګنځي ته مخه کوي.