نړيوالي روغتيايي ادارې د کرونا وايرس په هکله په نړيواله کچه بېړنی حالت اعلان کړ
Aziz Rahman Hazim
د روغتيا نړيوالي ادارې د کرونا وايروس د خپرېدو په تړاو په نړيواله کچه بېړنی حالت اعلان کړی دی.
د روغتيا نړيوالي ادارې (ډبليو ايچ او) په جنيوا کي د يو کنفرانس له لاري دا اعلان وکړ او ددغه سازمان مشر ډاکټر ټېډروس ویلي دغه واېرس تر اوسه ۱۷۰ تنه په چین کي وژلي او تر اوسه پورې ۷۸۳۴ کسان واېرس وهلي دي. په دغو کي ۹۹ سلنه په چین کي دي.
هغه وويل، چي په نړيواله کچه ددغه وايروس د مخنيوي لپاره همکارۍ رواني دي چي څومره ژر کيږي دا وايروس ختم کړي.
د چین په ووهان ښار کي چي ددغه وايرس مرکز ګڼل کيږي د ټولو اوسېدونکو عملي طبي معاینه او کرنټین پېل سوی او د چين حکومت بندیز لګولی دی چي دې ښار ته نه څوک ورتلای سي او نه ترې وتلای سي، د عامو خلکو تر څنګ یې د دې ښار ټول پروازونه او ولسي ټرانسپورټ هم ځنډولی دی.