لراوبر ویب پاڼه لراوبر يو افغان – تازه خبرونه
په افغانستان کي د امريکا د سفارت نوي شاژدافير راس ويلسن ويلي، چي هيواد يې په افغانستان کي د نوي حکومت سره همکارۍ ته ژمن دی.
نوموړي ويلي، چي د افغانستان د ټاکنو نتيجه چي هرڅه وي، خو دی به د راتلونکي افغان حکومت سره اوږه پر اوږه ولاړ وي.
راس ويلسن چي تازه يې په کابل کي د امريکا د سفارت شاژدافير ټاکل سوی دی په خپل ټويټ کي ويلي: ” د انتخاباتو پایلې چې هر څه وي، متحده ایالتونه د امریکا-افغانستان د مشارکت د غښتلي کولو لپاره د افغانستان له راتلونکي حکومت سره ګډ کار کولو ته ژمن دي.”
Whatever the result, the United States is committed to work with the future government of #Afghanistan to strengthen the 🇺🇸 – 🇦🇫 #EnduringPartnership. #AfghanElections
— Chargé d’Affaires Karen Decker (@USAmbKabul) February 1, 2020
ښاغلي ویلسن همدغه راز لیکلي دي چې هېواد یې د افغانستان د ټاکنو لپاره ۲۹ میلیون ډالر مرسته کړې او دا “ځکه چي موږته هغه څه ارزښت لري چي افغانان یې د دموکراسۍ او د انخاباتي حکومت د پیاوړتیا لپاره کوي.”
د افغانستان ولسمشريزي ټاکني د تېر کال د سپټمبر پر ۲۸ نېټه وسوې، چي په لومړنيو پايلو کي اشرف غني ګټونکی اعلان سو، خو د ډاکټر عبدالله ټاکنيز ټيم دا پايلي نه مني.
لا مالومه نه ده چي وروستۍ پايلي به کله مالومېږي.
