لراوبر ویب پاڼه لراوبر يو افغان – تازه خبرونه
د کرونا وايرس د چټک خپرېدو وروسته په خيبر پښتونخوا کي دوکانونو ته د بندېدو امر سوی او د سورلۍ پر ګاډو هم د تګ راتګ بنديز لګېدلی دی.
د راپورونو له مخي چارواکو امرکړی چي په خيبر پښتونخوا کي به د سبزيو، کرايي سامانونو، بيکريو، درملتونو او د تيلو پمپونو څخه پرته نور ټول دوکانونه د يوې اونۍ لپاره تړلي وي.
همداراز نن د يکشنبې له ورځي څخه په ټوله سيمه کي د سورلۍ ګاډو پر تګ راتګ بنديز لګېدلی دی.
دا پرېکړه پر داسي مهال سوې ده چي په خيبر پښتونخوا کي د کرونا اته مثبتي پېښي ثبت سوې او په دې سره په دغه سيمه کي د کرونا وايرس ناروغانو شمېر ۳۱ ته ورسېدل.
بل خوا په پاکستان کي هم د کرونا وايروس ناروغي په چټکټیا سره دخپریدو په حال کي ده او تر اوسه په ټول پاکستان کې د کرونا وايرس دناروغانو شمیره ۶۴۵ ته رسېدلې ه چي په دې کې یوازې ۲۹۲پېښي په سند صوبه کي ثبت سوي دي.
