لراوبر ویب پاڼه لراوبر يو افغان – تازه خبرونه
وسله وال طالبان وايي چي دکابل ښار په ننۍ ځآنمرګي بريد کي دوه لنګروزر اويوه سرپ موټر دبهرنيوځوکونو ويجاړکړي دي خودکابل امنيه قوماندان بيا وايي چي يوازي بريد کوونکي وژل شوي دي اوبهرنيو ځوکونوته کوم تلفات نه دي اوښتي .
دطالبانو وياند ذبيح الله مجاهد له يوه ناڅرګند ځاي څخه وويل چي نن له غرمي وړاندي دملارحمت الله په نوم يوطالب چي دخوست ولايت اوسيدونکي ووله غرمي وړاندي په لس نيمو بجو يي په ا مريکايي ځواکونو فدايي بريد وکړاودري موټر يي دهغوي لمنځه يوړل .
مجاهد ادعاوکړه چي په دي چاودنه کي دامريکايي ځواکونو دوه لنګروزر اويوه سرپ موټر چي پوځيان په کي ناست اوله کابل څخه وردګو ولايت ته روان وو دپغمان اړوند دپجنه چنار په سيمه کي چي دکابل کندهار دلويي لاري پرسر پرته ده چاودنه شوي .
خو دکابل امنيه قوماندان جنرال ايوب سالنګي چي دشمالي ټلوالي اړوند شخص دي دي وايي چي يوازي ځانمرګۍ په دي بريد کي وژل شوي دي .
هغه وويل چي ګومان کوي چي ځان مرګي بريد کوونکي په يوه ډيناډوله موټر کي دغه بريد ترسره کړي وي .
خوپه سيمه کي دموټرو ټوټي اودبدن غوښي ښکارېدلي خو عيني شاهدانو ويل چي دبهرنيو ځواکونو دموټروته يي هم ذيان اړولي دي .
نوموړي ويل چي چاودنه وشوه دبهرنيو ځواکونو له موټرو هم لوګي پورته کيدل اوپه پنچر ټيرونو روان وو .
