دپوهنې رياست لخوا نن د وږي په ۱۷ نيټه د ميدان وردګ ولايت په ټولو ښونځيو او جوماتونو كې د شهيد داونۍ په مناسبت د قران عظيم الشان ختمونه وشول ، دا خبر نن د ميدان وردګ ولايت د وياند ادم خان سيرت له خوا خپور شو .

د ميدان وردګ ولايت د مطبوعاتي دفتر لخوا په خپره شوې خبرپاڼه کي ليکل شوي چي د پوهنې رياست لخوا په همدې اړه د ميدان ښار د فاميليو په ښونځي كې يوه غونډه وشوه چې  (۲۵۰) تنو د پوهنې رياست منسوبينو ،ښوونكو ،محصلينو او شاكردانو پكې ګډون كړې وه ، لومړى دقرانكريم ختم وشو، وروسته دپوهنې ښاغلى رييس عبدالوحد حكمت  دپوهنې د چارو په اړه ګډونوالو ته وينا وكړه او ژمنه يې وكړه چې پدې لاره كې به نه ستړې كيدونكې هلې ځلې كوي او په ټول ولايت كې به د پوهنې بهير همداسې چټك روان وي ، په اخر كې غونډه د ازادۍ دلارې شهيدانو پاك روح ته په دعاء پاى ته ورسېده. 

دې ته ورته غوندي په کابل او د افغانستان په زيات شمېر سيمو کي ترسره سوې چي ځيني يې د شهيد ورځ او ځيني نوري يې د شهيدانو د اوونۍ په نوم ياد ي شوې چي په ټولو کي د احمد شا مسعود عکسونه ځوړنډ شوي وو ، احمدشامسعود چي دکابل د ښار  شاوخوا ۷۰،۰۰۰  اوسيدونکو قاتل بلل کېږي اوس دشمالي ټلوالي له خوا چي ولسمشر کرزی او يو شمېر نور وزيران يي ملاتړ کوي د هيواد په ښوونځيو او مدرسو کي تنکيو ماشومانو ته د ملي اتل په نوم ور پيژندل کيږي .د افغانستان تاريخ ليکونکو او د ولس استازو لا له مخکي احمدشا مسعود دملي خاين په نوم ياد کړئ او ددې ادعا لپاره يې زيات شمېر کورني او بهرني مستند شواهد هم وړاندي کړي دي ، يوه بېلګه يې داده :

کابل _ د ١٣٨٣ کال د سنبلې ١٩
د ٢٠٠٤ کال د سيپټمبر نهمه

 د شهيد ورځ + د شهيدانو اوونۍ = د مسعود تلين

د شهيداوونۍ د شمالي ټلوالي د غړي او نظار شورا د مشر احمدشا مسعود د وژل کېدو راوروسته په دولت کي د شمالي ټلوالي او نظار شورا د پاته شونو له خوا په ټول افغانستان کي دود شوې ده چي اوس په ځينو سيمو کي د شهيد اوونۍ په نوم هم نومول کيږ ي خو ددې غونډو په تالارونو کي د افغانستان د سولي د پروسې د ويجاړوونکي او کورنۍ جګړې د رامنځته کوونکي ( مسعود )  لوی لوی عکسونه پر دېوالونو بند شوي وي چي مطلب يې بيا هم دازادۍ د لاري د شهيدانو په نوم د ازادۍ د لاري د خنډ جوړوونکي احمد شامسعود دتلين نمانځل وي .

د نوي يمو کلونو په پيل کي د کابل د ورانوونکي او ۱۹۹۲ کال  د ملګرو ملتونو له خوا د افغانستان د سولي د پروسې د ويجاړوونکي  احمد شا مسعود تلين هر کال د سپټمبر پر ۹ نېټه د افغانستان په دننه او ټوله نړۍ کي د افغانستان د سفارتونو او کونسلګريو له خوا د بیت المال په لګښت په شانداره مراسمو ترسره کيږي چي ددغو مراسمو مصرف هر کال مليونونو ډالرو ته رسيږي .

 که څه هم د افغانستان ددولتي مطبوعاتو په ګډون زيات شمېر نړيوال او کورني مطبوعات احمدشا مسعود ته د ملي قهرمان په لقب يادوي خو د افغانستان د ولس فرد فرد اوس هم په دې اميد دي چي يوه ورځ به ددوی د ملي ګټو او سوکالۍ ددښمنانو په اړه پر انصاف ولاړه او بې پرې قضاوت کېږي تر څو ددې خاوري ملي اتل او ملي خاين ، د افغانستان د ملي نواميسو ساتونکي اوله پردو سره د هغوی پر سر سوداکوونکي وپيژندل شي .

حنيف اتمر د مسعود فاتحه واخيسته

خپلواک سالار
۰۷/ ۰۹/ ۲۰۰۸

نن د سپتمبر پر اوومه د واکمن حکومت د ښوونې او روزنې وزير حنيف اتمر لخوا د کابل ښار په اماني لېسه کې د پخوانۍ نظار شورا د آمر احمد شاه مسعود د اووم تلين د رارسېدو له امله د قرآنکريم د ختم په اړه پرانيستونکې وينا واوروله

KABUL, September 07: Muhammad Hanif Attmar, education minister, attended the Quran recitation at Amani high school hall on the occasion of seventh death anniversary of Ahmad Shah Massoud. PAJHWOK/Safiya Saifi

همداراز يې لارښوونه کړې چې د هېواد په ټولو ښوونځيو کې دې د آمر احمدشاه مسعود د اووم تلين د رارسېدو له امله د قرآنکريم ختمونه وشي.

KABUL, September 07: Quran recitation was held in all schools of the country on the 7th death anniversary of Ahmad Shah Massoud, former Jehadi commander and National Hero. PAJHWOK/Safiya Saifi

پورتني عکس او انګرېزي متن يې له «پژواك انځوريز سروېس» څخه اخيستل شوي دي.

په انګرېزي متن کې د مسعود له نامه سره جوښت د ملي اتل و جهادي جبهې مشر لقبونه هم ليکل شوي دي.

زه دلته د مسعود په اړه نه غږېږم خو د لاندينيو څو ټکو يادونه د اړتيا وړ بولم:

۱- ښوونځی د ښوونې ځای دی او بس. ښاغلی حنيف اتمر په کوم صلاحيت په ټول هېواد کې د ښوونې په ځايونو کې د يو غل، قاتل، مجرم و جاسوس د تلين لمانځنه کوي؟

۲- پژواک د کوم نورم (معيار) پر بنسټ د مسعود له نامه سره د ملي اتل لقب ليکي؟

له دې څخه څرګندېږي چې ځېنې افغاني خپرونې هم د سياسې واکمنې ډلې د خوښۍ لپاره د هر راز نورمونو تر پښو لاندې کولو ته تيار دي.

حنيف اتمر په هم د ټلوالې (نظار شورا) د خوښۍ لپاره څو څو ځلې «آمر صاحب شهيد» ويلی وي.
خو زه دلته د دې بيت د ويلو اړتيا وينم.

ملا حيات ته نصيحت څه کوي
دی خو ګناه هم بې اودسه نکړي

که آمر مسعود رښتيا شهيد وي نو اوس خو به يې اووه کاله په جنت کې تېر کړي وي او ددې خبرې هيڅ اړتيا نشته.

هره ورځ چې په لس ګونو بې ګناه انسانان شهيدان کېږي د هغوی روح ته ولې دوعا نه کوي؟

خو، ښايي چې اتمر صاحب به په دې کار سره خپل ځان ته په دې نړۍ کې (د نظار شورا په دویمه واکمنۍ کې) جنت لټوي.

له څو کالو را په دېخوا ښاغلی اتمر د روښاندو پښتنو د خوښۍ (غولولو) لپاره په کابل کې په مورنۍ ژبه د زده کړې ټټر هم وهلی خو په عمل کې يې هيڅ هم نه دي کړي. دا خو کومه شخصي خبره نه ده. په مورنۍ ژبه د زده کړې مخنيوی د اساسي قانون نه ښکاره سرغړونه ده. خو د ټلوالې د خوښۍ لپاره دا سرغړونه کېږي.

ښايي سياست به دوه مخي غوره ګڼي خو رښتيني انسانان يې بده کڼي. چارواکي دې خپله وظيفه وپېژني ( قانون دې عملي ګړي) او بس.

چارواکي دې په دولتي ودانيو او ښوونځيو کې د غلو لپاره غونډې نه جوړوي. ښوونځي د ښوونې ځای دی. د ټول ملت مال دی او چارواکي ( حکومت) يې يوازې د قانون په چوکات کې ادارې چارې پر مخ بيايي.