لراوبر ویب پاڼه لراوبر يو افغان – تازه خبرونه
د څرخي پله زندانيان ادعا کوي چې د زندان د چارواکو دناوړه چلند له کبله يې د اعتصاب په ٥ ورځي نژدې دوه سوه زندانيانو خپلې خولې وگنډلې .
دغه زندانيانو له رسنيو سره خپلې ستونزې شريکې کړي او ويې ويل چې د زندان چارواکو ته يې خپلې خولې ور ښولي . دغه تر ډيره دافغان حکومت مخالف کسان دي چې له تيرو څو کلنو را هيسې زندان ته اچول شوي . دافغانستان د ولسي جرگې يوه کميسيون د عدلې وزارت او د زندانونو د چاروکو څخه په دې اړه تو ضيحات وغوښتل او په ډاگه يې کړه چې دافغانستان په زندانونو کې له بنديانو سره ناوړه چلند کيږي .
خو د زندان چارواکي وايي چې څو تنه زندانيانو چې بلواگر يې بولي دغه بلوا او اعتصاب پيل کړى او نور ورته مجبوره وي .
دافغانستان په دغه مر کزي زندان کې تردې وړاندې هم بنديانوو له ناوړه چلند څخه سر ټکولى او څو ځله خبره ان وسله وال تاوتريخوالي ته رسيدلې .
بنديان ادعا کوي چې له دغه زندانه يو شمير کسان د ملي امنيت د تحقيق زندان ته وړل کيږي چې د ولسي جرگې لخوا دغه رياست يا اداره هم لغوه اعلان شوه . په دغو زندانونو کې تر ډيره هغه پښتانه بنديان دي چې د القاعدي او طالب په نوم نيول کيږي او د ملي امنيت ادارې ته راوړل کيږي .
