پاکستان د چين سره دفاعي لوزنامه امضا کوي
اسلام آباد تلاښ کوي دا فغانستان سره په نامه سرحدي سيمو کي د امريکا د هوايي حملو د دفعي دپاره د پيکن سره يوه ګډه دفاعي لوزنامه امضا کړي .
ويل کيږي چي د پاکستان د جاسوسۍ د شبکې يا آي ايس آی رئيس جنرال احمد شجاع پاشا د پارلمان په هغه وروستۍ پټه غونډه کي دا خبره اعلان کړېده چي پاکستان د امريکا د طيارو سره د مقابلې توان نلري .
په عربستان کي چاپېدونکې “الوطن” ورځپاڼي ددې خبر په خپرولو سره زياتوي چي د پاکستان د پارلمان وروستۍ پرېکړه چي و مسلحو قواو ته يې ويلي دي و هر بهرني تجاوز ته بايد ځواب ورکول شي ، اسلام اباد په دې هڅه کي شوی دئ چي د چين سره دفاعي ګډه لوزنامه امضا کړي .
کتونکي په دې باور دي که پاکستان داسي يوه لوزنامه امضا او د چين پښې هم د دې سيمي و ﻻنجو ته را کښېباسي نو امريکا او د هغه انډيوالان به لا نور هم د حاله ووزي .
