زموږ خلک او اوباما
د امريکا هر جمهور رئيس که جنايت کاره بوش وي يا وو، او که تازه دمه اوبا ما وي، هغوی زموږ په هيواد کي يو دم د امريکا ګټي لټوي او هر څه د امريکا دپاره غواړي ، بس دا يوازي زموږ وطن پلورلي ليډران او جګړه ماران او د کرزي غوندي ګوډاګي ﻻسپوڅي دي چي وطن او دوطن مظلوم پښتانه يې د امريکا و ګټو ته نذرانه کړی دی .
افغانان ، د شمال د پرديو نوکران اوپه کابل کي د غلو او جنګي جايت کارانو دغه فاسده اداره چي د امريکا په غدارۍ او بماريو واکمنه سوې ده هغه نه مني . زموږ خلک دهغوی د ناروا منګلو څخه د خپل وطن ازادول غواړي او پر هغه باندي به نه د فرعون بوش سره سازش و کړ ي او نه به يې هم د اوباما سره . البته زموږ خلک د طالبانو توره دوره هم نه غواړي . ددې وطن وارثان پخپله افغانان دي هغوی به يې ساتي .
دا جګړه د افغانانو سره نه ده دا جګړه د ا مريکا يي اشغالګرانو او د جنګي جنايت کارانوسره د افغانانو جګړه ده . همدغه بې وطنه جنايت کاران د امريکا په پيسورانيول سوه او په يوه حساب دادېرش کاله کيږي او په بل حساب چي امريکا زموږ وطن اشغال کړ نو دا اوه کاله کيږي د افغانانو پر ضد جنګول کيږي .
خو هو زموږ افغانان پښتانه او نارينه خلک دي ددوستۍ ، مړاني او ځوانۍ قدر کوي هغه نه هېروي . که زموږ پر وطن باند د امريکا نوې اداره ددغه غلو دواکمنۍ د دوام څخه ﻻس واخلي د هغوی د واکمنۍ د دوام په خاطر پر موږ بمونه و نه اوروي، بېګناه افغانان ، ښځي، ماشومان مو په وينو کي لژنده نکړي، ودونه مو په غمو را وا نړوي نو هغه که بوش وي که اوبا ما وي ، که زرداري وي يا د خميني او روسي مزدورانو ﻻسپوڅي وي موږ ته ديوه سره لوی غداران او جاني دښمنان دي او دغه ښاغلي پوهيږي چي افغانان د خپلو دښمنانوسره څه خيل چلند کوي . تر کيندلي ګوره يې نه پرېږدي .
خو که څوک موږ ته د بې پرې دوستۍ ﻻس را کوي زموږ د افغانانو وطن او د خلکو و خپلواکۍ ته درناوی کوي نو هغه بيا هر څوک چي وي زموږ غیږه ورته خلاصه ده او دوستي ورسره کوو . و ليدل شي چي د امريکا ځوان اوباما چي د ژوند لوړي او ژوري يې ليدلي او رئيس جمور شو زموږ وطن يې څه خېل پېژندلی دی او د خپلو ړندو بمباريو او د کابل د فاسد او جنايت کاره په اصطلاح دولت سره به څه کوي .؟
