لراوبر ویب پاڼه لراوبر يو افغان – تازه خبرونه
نن سهار د كويټې په سرياب سړك باندې نامالومو وسلوالو د پاكستاني پوليسو په يو موټر د ماشين ګڼو ډزې وكړې چې له امله يې څلور تنه پاكستاني پوليس ووژل شول او يو بل ټپي شو .
په وژل شويو پوليسو كې د پوليسو يوتن افسر حسن علي هم شامل دى .
وسلوالو له بريد وروسته سيمه خوشي كړې او په تېښته بريالي شو ي دي .
په بريد كې ټپي شوى پوليس دا مهال د كويټې ملكي روغتون ته د درملنې په موخه لېږدول شوى دى .
چې ياد شوي روغتون د ډاكټرانو په خبره ټپي شوى پوليس چې پر سر او غاړه يې مردكې لګېدلې دي روغتيايي حالت يې د اندېښنې وړ دى .
تر دا مهاله د پېښې پړه چا پر غاړه نه ده اخيستې .
