افغانستان دکرکټ د نړيوالې ټولنې  د دريم پړاو په سياليوو کې ارجنټينا ته په ۱۹ منډو ماتي ورکړه.  

افغانستان پچه وګټله او د لومړي بيټنګ  کولو په ترڅ کې يې  د ټولو لوبغاړو په سوځيدو ۱۶۵ منډي جوړي کړي. د افغانستان له خوا احمدشاه له ټولو ډيرې ۴۴ مڼډې وکړي. د ارجنټاين بارټن درې افغان لوبغاړي اوټ کړل.

دافغانستان له خوا احمدشاه ۳ او حميد حسن او سميع الله شينواري دوه دوه تنه اوټ کړل. احمدشاه د ۴۴ منډو کولو او دريوو لوبغاړو د اوټ کولو له امله د لوبې غوره لوبغاړی ونومول شو.

نن د افغان لوبډلې مشر نووز منگل  په لوبه کې نه وو او پر ځای يې احمدشاه ولوبيد. هغه له دې امله له دوو لوبو وويستل شو چې له هانگ کانگ سره افغانستان په خپل ټاکلي وخت کې اوورونه نه و بشپړ کړي.  د قانون له مخې بايد د لوبډلې له کپتان او ياهم نورو لوبغاوړو دمعاش څخه  د ناغې (جريمې) په توګه پيسې گرځول شوې واى خو افغان لوبډله معاش نه لري نو په بدل کې يې کپتان له دوو لوبو وويستل شو .

د دې پړاو په دوو نورو لوبو کې  پاپوا نيوګيني يوګانډا ته په ۲۶  او هانګ کانګ کيمن آيلنډ ته په ۴۹ منډو ماتي ورکړه. 

افغانستان خپله لومړۍ لوبه د يوګانډا څخه په ۱۴ منډو بايللي وه او په دوهمه سيالۍ کې يې هانګ کانګ ته په ۱۳ منډو ماتي ورکړه. افغانستان دا مهال  څلور پواينټونه لري او دوه لوبې يې پاتې دي. دوی به خپلې راتلونکې لوبې د  د چار شنبې په ورځ د پاپو نيو ګيني او د جمعې په ورځ د کيمن آيلنډ سره کوي.

دا مهال د ټولو لوبډلو پواينټونه په لاندې ډول دي.

لوبډله                                    کړي لوبې                                ګټلي                                بايللي                           پواينټونه                                      

پاپوانيو ګيني                                ۳                                           ۳                                           ۰                                                ۶                                             

هانګ کانګ                                    ۳                                           ۲                                             ۱                                              ۴  

يوګانډا                                                  ۳                                           ۲                                             ۱                                                ۴                                           

افغانستان                                          ۳                                           ۲                                             ۱                                          ۴     

ارجنټينا                                                ۳                                           ۰                                             ۳          ۰                                                             

کيمن آيلنډ                                          ۳                                           ۰                                             ۳                                       ۰         

 

  د لوبو عکسونه