د 8 صبح ورځپاڼې د دلوې د درېمې نېټې په ګڼه کې د افغانستان د بهرنيو چارو د وزير ښاغلي رنګين دادفر سپنتايوه ليکنه خپره شوې ده . د دې ليکنې سرليک دی : (( قوام دموکراسی در ايالات متحدۀ امريکا )) .

په دې مقاله کې  ښاغلي وزير لومړی له دې کبله د امريکايي دموکراسۍ پرېمانه ستاينې کړې دي چې يو تورپوستي پکې د دې امکان پيدا کړ چې جمهور رييس شي . بيا نو له دغو پرېمانه امريکايي ستاينو وروسته ( چې د يو چينايي ټيپ پخو اني کمونيست ، يا لږ  تر لږه سوسياليست لپاره دغه ستاينې هم سړي ته عجيبه او کله کله ډېر ساده لوحانه ښکاره شي )، ښاغلی سپنتا د خيال دنيا ته پناه وروړي او فرمايي :

(( ايا ممکن خواهد بود در افغانستان ، يک شهروند تاجيک ،هزاره ، ازبک و يا نورستانی به حيث رييس جمهور کشور ما برګزيده شود ؟ بګذريم از اينان ايا مکتب رفتګان کشور ماحاضر خواهند شد، تا به نخبګان  ان ((ديګران)) رای بدهند . در لحظاتی که ذهن من مشغول طرح اين پرسشهاي بيهوده بود ، به ان نخبګانی انديشيدم که در کشور من با صدور فرمان و دستورالعمل ، اجازه نمی دهند به زبان مادری ام ، اشيا و افراد را صدا کنم . اين در حالی است که من از هيچ قارۀ ديګری نيامده ام و با اين نخبګان ريشه در يک فرهنګ و حتی يک تبار دارم. ببين تفاوت ره از کجاست تا به کجا! در سرزمين من ديګرانديشان به زنجير کشيده ميشوندو هندوان وسک ها  که باشندګان وصاحبان اين سرزمين اند ، به ګونه ی نظام مندمورد ستم و تجريد و تهديد قرار می ګيرند و در انجايی ديګر ، شايستګان اقليت ها بر سکوی قدرت برای خدمت  به ميهن شان تکيه می زنند. ))

دا د يو هېواد د بهرنيو چارو د وزير خبره ده چې د افغانستان  د چارود رهبرۍ په ګروپ کې دی . افسوس پر داسې يو متعصب وزير چې د بشر د حقوقو د داعيې درواغجنه خبره کوي ، خو د هغو پښتنو ماشومانو پر حال يې سترګې پټې دي چې په خپل کابل کې په خپله ژبه د زده کړې اجازه او امکان نه لري . ايا هغوی د ده د وطن ((شهروندان)) نه دي ؟ ايا دا د هغوی د هېواد خارجه وزير نه دی ؟ که يوازې د تاجکو خارجه وزير دی چې يوازې او يوازې د دانشګاه په نوم پسې لېونی دی . ايا په کابل پوهنتون کې د هغه اکثريت پښتنو محصلينو په سوچ کې دی که نه چې په خپله ژبه له خپل پښتون استاده د پښتو لوست غوښتنه نه شي کولای !!! که نه هغوی د ده ((شهروندان)) نه دي !!

ښاغلي کرزي ته هم يو ځل بيا د شرم ځای دی چې  له داسې يو واحد !! او همغږي ملي !!! ټيم سره ګډ کار کوي !

د رنګين دادفر سپنتا دغه اوتې بوتې  به ښايي امريکايان خوشحاله کړي ، خو له افغان ولس سره ستره جفا ده . دا د دې زخمي وطن پر ټپونو نوي زخمونه دي چې د بشر د حقوقو !! د يو مدافع!!  له خوا او لکه چې خپله وايي ، پر شهروندي  که شروندي !! اصولو ولاړ وزير !! له خوا امريکايانو او په تېره اوباما ته په چاپلوسۍ وړاندې کېږي .

د ښاغلي سپنتا دغه ليکنه د افغانستان  له ملي ګټو سره په تضاد کې ده او يوازې د يو قوم د څو تنو متعصبو غوښتنه ده ، د ټولو تاجکو غوښتنه هم نه ده . زه داسې ډېرتاجک پېژنم چې د سپنتا دغه اوتې بوتې د افغانستان له ملي ګټو سره په تضاد کې ګڼي .

افسوس ! د داسې يو هېواد د بهرنيو چارو پر وزير چې په کابينه کې ، د کابينې پر ضد دی ! په حکومت کې د حکومت پر ضد دی ، په وطن کې د ستر واک خاوند دی ، خو د وطن پر ضد دی !

د افغانستان حکومت  او د افغانستان خلک بايد د داسې اوتو بوتو په وړاندې ودرېږي او خپل غږونه جګ کړي .