وسله وال طالبان دعوه کوي چې دوی تېره شپه د ننګرهار د حصارک ولسوالۍ اړوند د جوکان په سيمه کې د امريکايي ځواکونو يو ټانک په ماين الوځولی او پکې ناست ۵ تنه سرتيري يې وژلي دي، طالب وياند ذبيح الله مجاهد وايي له چاودنې وروسته د دوی ملګرو پر هغو بهرنيو ځواکونو بريدونه هم کړي، کومو چې د پېښې له ځای نه خپل مړي لېږدول، په ختيزو ولايتونو کې د ايتلافي ځواکونو مطبوعاتي دفتر وايي چې دوی ديادې پېښې په اړه څېړنې پیل کړي او کله چې بشپړې شوې، نو بيابه رسنیو ته معلومات په واک کې ورکړي.