لراوبر ویب پاڼه لراوبر يو افغان – تازه خبرونه
په کندوز ولايت کې د يتيمو ماشومانو د روزنتون ودانۍ جوړه او ګټې اخيستنې ته چمتو شوه .
د دغه ولايت د کار او ټولنيزو چارو رئيس امام قل وويل چې دغه دوه پوړيزه ودانۍ په څلور جريبه ځمکه کې جوړه شوې ده .
هغه زياته کړه چې په ودانۍ کې ٣٠ خونې، يو سالون او نور ملحقات جوړ شوي او د جوړولو کار يې په شپږو مياشتو کې بشپړ شوى دى .
د امام قل په وينا، پر دغې پروژې ٣٥٠ زره امريکايي ډالره لګښت راغلى، چې د کوريا لخوا ورکړل شوى دى
