لراوبر ویب پاڼه لراوبر يو افغان – تازه خبرونه
د اروزګان ولايت امنيه قوماندان وايي چې وسلوالو طالبانو تېره ورځ په دغه ولايت کې يوه ٦٠ کلنه مېرمن او د هغه اوه کلن لمسى د جاسوسۍ په تور وژلي دي امنيه قوماندان جمعه ګل همت وويل چې ياده شوې پېښه تېر مازيګر په (دهراوود) ولسوالۍ کې رامنځته شوې ده .
د نوموړي په وينا،٦٠ کلنه مېرمن له خپل اوه کلن لمسي سره هغه مهال ووژل شوه،کله چې دوى له موټر څخه کښته او د خپل کور پر لور روان وو .
همت وويل چې وسلوالو طالبانو کور ته په لاره پر يادې شوې مېرمن او لمسي يې ډزې وکړې او دواړه يې ځاى پر ځاى ووژل .
امنيه قوماندان زياته کړه چې طالبانو ياد شوي کسان افغان دولت او ناټو ځواکونو ته د جاسوسۍ په تور وژلي دي
