لراوبر ویب پاڼه لراوبر يو افغان – تازه خبرونه
کونړ ولايت کې د سړک د غاړې دوو چاودنو بهرني او افغان ځواکونه په نښه کړي دي.
لومړۍ چاودنې په ماڼوگي ولسوالۍ کې د افغان پوځ يو کاروان په نښه کړ. د مرگ ژوبلو په اړه يې سيمه ييزو چارواکو تر اوسه څه نه دي ويلي او يوازې نړيوالو ځواکونو ويلي چې په بريد کې چاته زيان نه دى اوښتى.
په همدې ولسوالۍ کې يوې بلې چاودنې د ناټو په مشرۍ د ايساف ځواکونو يو کاروان په نښه کړى. ناټو ځواکونه وايي د دوى يو گاډى د سړک د غاړې پر بم برابر شوى، خو چاته زيان نه دى رسېدلى.
خو طالبان په دواړو پېښو کې په نښه شويو پوځيانو ته د درنې مرگ ژوبلې اړولو ادعا کوي.
