په وزيرستان کې مرګ ژوبله نوره هم ډېره شوه
پاکستاني چارواکي وايي چې دوزيرستان په واڼه سيمه کې ديوه قامي مشر پر کور داوو توغنديو دتوغولو له کبله تر دامهاله ٢٠ شل کسان وژل شوي او همداراز ٧ اوه نور هم ټپيان دي . ښايي مرګ ژوبله نوره هم ډېره شي . ډېره مرګ ژوبله ښځينه او ماشومانو ته وراوښتې ده . په راکټو ويشتل شوى کور دملک نورالله په نوم يادېږي . ځيني وايي چې عرب وګړي هم په دغه بريد کې وژل شوي دي .