اسلام اباد کي د پښتني ماشومي فرشتې د قتل پر ضد پراخ لاريونونه روان دي.

معصومه فرشته  د مي  میاشتي پر ۱۵ په اسلام اباد کي لادرکه سوه، چي وروسته ئې مړی په يوه ځنګل کي وموندل سو.

د فرشتې پر بدن د تشدد علامې وې ، د بدن غړي ئې پرې کړل سوي وه او ويل کېږي چي پر هغې جنسي تېری هم سوی دی.

د فرشتې د قتل پر ضد د پښتون ژغورني غورځنګ لاريونونه راپيل کړل چي پر خواله رسنيو هم په پراخه کچه دا پېښه وغندل سوه.

محسن داوړ هم د فرشتې او د هغې د کورنۍ لپاره د عدالت غوښتني په خاطر په دغه احتجاج کي ګډون کړی وو.

ښاغلی داوړ وايي: “د فرشتې پلار یو غریب سړی دی، څو ځله پولیسو ته ورغلی خو پولیسو به پرې خپل کارونه کول او ورته یې ویل چي لور به دي د چا سره تښتیدلې وي. هغه ورته وویل ،چي فرښتنه یوه لس کلنه ماشومه ده، هغه به څنګه د چا سره تښتیدلې وي؟”

محسن داوړ وایي چې د فرښتې کورنۍ ته عدالت غواړي.

10years old Farishta went to play and didn’t return home, initially police refused to help and delayed to search..after 5 days her mutilated body recovered from a jungle.
She was raped and than murdered.
One can not imagine an agony of a parent.#justiceForFarishta pic.twitter.com/HwhvhK3b6P

— Dr. Nazia Memon (@NaziaMemon01) May 21, 2019

د مومند درې پښتنه ماشومه فرشته د مي مياشتي پر ۱۵ نېټه له کوره وتلې وه، بيا کور ته نه وه راغلې، چي پنځه ورځي وروسته ئې جسد په يو ځنګل کي وموندل سو.

د فرشتې ماشومي سره تشدد سوی او په ډېره بې رحمۍ وژل سوې ده.

د فرشتې پلار ګل نبي وايي، په کومه ورځ چي دا له کوره ووتل، وروسته دوی د پوليسو تاڼې ته  د رپورټ ليکلو لپاره ورغلل، خو پوليسو په دې هکله راپور نه درجوی.

هغه وويل،  دوي ته  بيا د باجوړ او مومندو څخه کسان د ملاتړ لپاره راغلل ، وروسته پوليس د دوي مقدمه درج کړې او بيا تېره شپه د هغې جسد د ځنګل څخه ترلاسه سوی دی.

ګل نبي وايي لس کلنې لور فرشتې ئې د قران مجيد حفظ کاوه او هغه ډېره په بې رحمۍوژل سوې ده.

د فرشتې د جسد موندلو وروسته د هغې د طبي معاينې راپور د اسلام اباد پولي کلينک ته لېږدلو سوی وو، خو داسي برېښي چي د فرشتې طبې معاينه نه کېږي.

د پي ټي ايم مشران هم دا وايي، چي د فرشتي په طبيعي معاينه کي سستي کېږي او په لوی لاس دغه راپور نه چمتو کېږي.

د پي ټي ايم يو مخکښ علي وزير او محسن داوړ د اسلام اباد پولي کلينک ته ورغلي  او هلته ئې د روغتون مخي ته احتجاج پيل کړی دی چي د فرشتې طبي معاينه دي وسي.

علي وزير او محسن داوړ ويلي، چي دا څنګه کېدای سي چي د يو حکومت په مرکزي سيمه کي دي يوه ماشومه پنځه ورځي لادرکه وي او وورسته دې مړی په يو ځنګل کي موندل کېږي او پوليس دي د هغې هيڅ راپور نه درج کوي.

Ten years old Farishta was abducted on 15 May from Chak Shehzad Isb, her parents continuously requested concerned police station for FIR but they refused. It was lodged last night after her dead body was found. Staff @ Polyclinic Is refusing post mortem.#JusticeForFarishta pic.twitter.com/2Mrh1oK4Ij

— Mohsin Dawar (@mjdawar) May 20, 2019

داوړ د پولي کلېنک روغتون مخې ته احتجاج کوونکو ته په وېنا کي وويل په پاکستان کي چې د بل قوميت والا تن سره دغه رنګ عمل وسي نو په ټول پاکستان کې چغي ووهل سي ميډيا نارې وهي او د انصاف ادعاوې کيږي، خو که د پښتون سره په اسلام اباد کي ظلم کيږي نو رياست بیا پر هغه سترګې پټوي.

په ورته مهال د قبايلي ضلعي مومندو د عوامي نشنل ګوند مشر نثار مومند وويل، چي د فرشتې لپاره د انصاف ترلاسه کولو پوري به غلی نه کښېني.