نن تر غرمې مخکي په کابل پوهنتون کي دننه لومړی یوه وړهٔ چاودنه وسوه ورپسې ناڅرګندو وسله والو کسانو هره خوا د سپکو وسلؤ ټکان پیل کړل چي په پایله کي د لومړنیو معلوماتو پر اساس لسګونو کسانو ته مرګ ژوبله واوښته.

پېښه په داسي حال کي رامنځته سوه چي د کابل پوهنتون جنوبي دروازې ته نژدې د افغانستان ایران په نوم د کتابونو یو نندارتون د پرانیستلو مراسم روان ول.

د ټکانو اوریدلو سره امنیتي مسولینو محصلین او استادان ته له پوهنتونه د ژر تر ژره وتلو سپارښتنې کولې، وارخطا محصلین او استادان پر ونو او دیوالونو له پوهنتونه واوښتل خو ویل کیږي چي یوشمېر نور ښايي اوس هم د پوهنتون په دننه کي بند پاته وي.

د پوهنتون ځیني برخي او شاوخوا پولیسو او ځانګړو ځواکونو پخپل کنټرول کي اخیستي دي خو له دننه بیا هم د ډزو ږغونه اوریدل کيږي.