طالبانو نن ورځ دوردګو په جغتو ولسوالۍ کې يوتن پوليس بهرنيو ځواکونوته دجاسوسۍ په ترو اعدام کړ

ذبيح الله مجاهد له يوه ناڅرګندځاي څخه وويل چې تيره شپه يې دجغتو په ولسوالۍ کې دپوليسو داعاشه امر عزيز احمد چې دتيرې اونۍ په جګړه کې يې چې پرولسوالۍ يې کړې وه نيولى وو دبندسلطان پرسر دخواجګانودکلي څنګ ته په يوه ځنګله کې اعدام کړي دي .

هغه وويل چې نوموړي باندې داسلامي امارت دمحکمې دقاضيانولخواپريکړه شوې او ددوي دطالبانولخوا تيره شپه لس بجې پرعزيز احمد پلي شوه .

دوردګو ولايت دولتي چارواکي هم ومنله چې يوپوليس يې په جغتو کې طالبانواعدام کړي دي .

آدم خان سيرت رسنيوته ويلي چې يوپوليس يې ورته اعدام کړي چې جسد يې اوس دبند سلطان شاته اچولي اودوي تراوسه نه دي ترلاسه کړي

طالبانو تيره مياشت دچک په ولسوالۍ کې هم يوتن اعدام کړي وو اوجسد يې دري ورځي په يوه ونه کې راځوړند کړي وو

که څه هم دوردګو د ولتي چارواکي وايې چې په دې ولايت کې امنيتي وضعه ښه ده خو وسله وال طالبان دنظامي مرکزونوترڅنګ هلته محکمې هم لري اوهره ورځ دخلکو دعوي ورفيصله کوي