لراوبر ویب پاڼه لراوبر يو افغان – تازه خبرونه
د افغانستان په ختيځ نورستان ولايت کي پوليسو پر مظاهره چيانو ډزي کړي چي دوه تنه يې وژلي او شپږ نور ټپيان سوي دي.
پېښه نن د جمعې په ورځ د نورستان په مرکز پارون کي هغه وخت رامنځته سوې چي د دغه ولايت د برګمټال، منډول او دواب ولسواليو اوسېدونکو د ټولټاکنو د خپلواک کمېسون دفتر مخته يوه احتجاجي مظاهره کړې وه او ويل يې د دې ولسوالۍ ٢٣٠٠٠ اوسېدونکو کارډونه اخيستي، خو د ټاکنو د کمېسون دفتر د ٨٠٠٠ کارډونو د استعمال صندخونه ورته راوړي دي.
د نورستان د پوليسو چارواکي وايي احتجاج کوونکو پر پوليسو ډزي وکړې، چي د پوليسو په متقابلو ټکانو کي پورتنۍ مرګ ژوبله اوښتې ده، خو د سيمي اوسېدونکي وايي دغه مظاهره دوى د والي سره په سلا او مشوره تنظيم کړې وه، چي مظاهره چيانو له هيڅ ډول تشدد څخه کار نه دئ اخيستئ.
د سيمي اوسېدونکي وايي که رښتيا هم د لاريون کوونکو له خوا پر پوليسو ډزي سوي وي، يو پوليس خو به پکښي مړ يا ټپي سوئ وي، هغه دي مطبوعاتو ته ښکاره کړي.
