لراوبر ویب پاڼه لراوبر يو افغان – تازه خبرونه
د افغانستان دپاره د ملګرو ملتونو د عمومي منشي بانکي مون ځانګړي استازي سټيفن ډيمستورا، په افغانستان کي د يوناما سياسي نماينده طلعت بيګ موصديکوف ، په سهيل لوېديزه حوزه کي د يوناما مشر صمدوف، د انتخاباتو د خپلواک کميسيون د دارلانشاء رئېس عبدالله احمد زي په کندهار کي د خپلو اړوندو ارګانو د مسؤلينو سره د کتني او اړوندو چارو د نږدې څخه د څارني، ټاکنيزو مرکزونو ته د توکو د لېږد، په ټاکنو کي د خلکو د برخه اخستني ، امنيتي حالت او نورو اړندو موضوعګانو څخه د ځان خبروني په موخه کندهار ته سفر وکړ . او د کندهار والي سره يې د کندهار ولايت مقام د غونډو په تالار کي وکتل . کندهار والي وويل چي د انتخاباتو کمېسيون د تيري يوې مياشتي را وروسته په ټولو نوبتي غونډو کي برخه اخستې او د ټاکنو د امنيت ساتني او ټول امنيتي پلان څخه چي په دې موخه جوړ سوى دئ خبر دي .
نوموړي همدا راز وويل چي د انتخاباتو د ورځي دپاره مو د ترانسپورټ ځانګړي کارټونه جوړ کړي دي څو ټول کانديدان ، ناظرين ، د مدني ټولنو غړي او نور وکولاى سي په اساني سره د رايي د اچوني تر مرکزونو پوري ولاړ سي .
د انتخاباتو د خپلواک کميسيون د دارلانشا مشر عبدالله احمد زي وويل چي دا ځل ټاکني يوه لويه لاسته راوړنه ده ځکه چي ټولي تخنيکي چاري يې يوازي د افغانانو له خوا پر مخ ځي او د تېر ځل په پرتله به ډيري په ښه ډول سره تر سره سي ځکه چي دده په وينا له ټاکنو يې زدکړه کړې .
زه د کندهار ولايت د ادارې او ټولو امنيتي ارګانونو هڅي ستايم او د ټولو کندهاريانو څخه غوښتنه کوم څو د خپل کانديد په ګټه خپله رايه وکاروي)).
د افغانستان لپاره د ملګرو ملتونو د سرمنشي ځانګړي استازي سټيفن ډيمستورا هم خبري وکړي او وې ويل(( ما خپله د ټآکنو د ورځي لپاره د ګوتي د رنګ کيفيت کتلى ستونزه نه لري او د جعلي کارتونو د چاپ موضوع په بشپړ ډول ردوم ځکه رايي پاڼي پر نړيوالو معيارونو برابري جوړي سوي دي او دا ډول نوري پاڼي جوړول ګران کار دى.
