لراوبر ویب پاڼه لراوبر يو افغان – تازه خبرونه
ځانمرګی برید چې د افغانستان په وخت څلور بجې د د تخار ولایت د والي په دفتر شوی په پایله کې یې د۳۰۳ شمال زون د د پولیسو د عمومي قومندان جنرال داوود داوود او د تخار د امنیه قومندان شاه جهان نوري تر څنګ يې یو شمېر نور چارواکي هم وژلي.
د تخار د والي عبدالجبار تقوا په اړه معلومات دادي چې والي ټپي دی خو ساتونکو او نورو نږدې کسانو ته یې مرګ ژوبله اوښتې ده.
د ځينو معلوماتو له مخې په دې برید کې یو شمیر نړیوالو ځواکونه ته هم زیان اوښتی.
ویل کیږي چې بریدکوونکی د پولیسو په جامه کې د والي دفتر ته ننوتلی او لمړی یې د سپکې وسلې ډزې کړي او ورپسې یې ځانمرګی کړی.
د طالبانو ویاند ذبیح الله مجاهد د برید مسولیت په غاړه اخیستی دی، خو نور جزیات یې لا نه دي ورکړي.
جنرال داوود نن غرمه خبریالانو ته د یوې خبرې غونډې په ترڅ کې وویل چې شمال کې د امید په نامه عملیات پیل کیدونکي دي.
.
جنرال داوود داوود مخکې تر دې د کورنیو چارو وزارت د مخدره موادو پر ضد د ادارې رییس او همدارنګه د شمال ټلوالې یو پيژندل شوی قومندان و.
