لراوبر ویب پاڼه لراوبر يو افغان – تازه خبرونه
د حالاتو له دردونونه يادونو وړې ښه يم
د اشنا له ناکردونه بس غمونو وړې ښه يم
بوړبوکۍ غوندې مې خياله ، لرې لرې چېرته بوځه
له دنيا نه لرې لرې توپانونو وړې ښه يم
بس تر څو به زه تعبير د خپل نيمګړي خوب يادوومه
دتدبير په ځنځيرو کې تقديرونو وړې ښه يم
نن سفر زما د مينې د رواج زولنو وخوړ
بې خبره په سلګو کې تورتمونو وړې ښه يم
څه به ځان راويښومه د غافلو په دنيا کې
د غافلو په لښکر کې زه خوبونو وړې ښه يم
ما سپرلو د سباوون ته د ارمان لاره رڼا کړه
خو اوس باغ نه لکه پاڼه خزانونو وړې ښه يم
