لراوبر ویب پاڼه لراوبر يو افغان – تازه خبرونه
څوک يو رنګ دي
څوک دوه رنګه
څوک درې رنګه
او ځنې داسې رنګ په رنګ دي
چې بې رنګ دي ښکاري تنګ دي
د خپل عقل په پنجره کې
په زړه زنګ دي څنګ په څنګ دي
ځان سره د ځان نشه کې
بوى يې نشته تور لونګ دي
د اخلاص په اديره کې
نشه نه لري شنه بنګ دي
د میخوارو په کاسه کې
د ضمير سره په جنګ دي
د وهمونو په کوڅه کې
ځکه هر څه ترې نه ړنګ دي
د خيالونو په قلعه کې
ځان پاچا ويني……………خو ملنګ دي
د دوي د حق په ائينه کې
