لراوبر ویب پاڼه لراوبر يو افغان – تازه خبرونه
یو د پردیو دار ته وګورمه
بل د لستوڼي مار ته وګورمه
د لونګین پر ځای ټالونه وهي
ستا د لاسونو هار ته وګورمه
پښتونه خپل څیري پلو وګورم
که ستا پګړۍ تارتار ته وګورمه
مینو خپله وسه وکړه اوس به
د کبرجنو وار ته وګورمه
څوک یې ویشتلی چانه زړه یې وړی
د ښکاري سترګو یار ته وګورمه
د رقیب سترګو ته ور اچوم سترګې
د ګل د څنګه خار ته وګورمه
چې به جانان پرې زما تر کوره راتلو
زه بیا وهغه لار ته وګورمه
