لراوبر ویب پاڼه لراوبر يو افغان – تازه خبرونه
زما دسولې ارمان داميدونو غوټۍ
دهر شهيددوينو د ارمانونو غوټۍ
دهرزانګوماشوم ته ارام او خوب دپاره
د بشريت نړۍ ته دګلابونو غوټۍ
*****
دجنګ دګرمولمبوداختتام په هيله
دبشريت ژوندون ته د ښه ارام په هيله
په ټوپکيانو باندې اوازدسولې کوي
دنړۍ ټول خلکو ته داحترام په هيله
****
چې دنړۍ ميندې جنګوکې بورې نه شي
لکه افغانې ښځې ويرته مجبورې نه شي
جنګ خوبلاده خلکوجنګ خو تباهي راولي
جنګ بشريت لره تل ستره بدمرغي راولي
****
زما دسولې ارمان خواږه خيالونه غواړي
دجنګ معيبو لره پښې او لاسونه غواړي
چې په بمونو باندې کورونه ونړيدل
داسې بی کورو لره نوې کورونه غواړي
****
زما دسولې ارمان دهرانسان دپاره
دطبعيت غېږه کې دښکلاګان دپاره
چې نه دژبي فرق وي اونه تعبيض دنژاد
دپيوستون زيرى وي دټول جهان دپاره
****
زمادسولې ارمان دهرا فغان دپاره
راځئ چې يوشوسره نوم دانسان دپاره
په نړۍ غږ وکړوچې مونږه سوله غواړو
حفيظ هم سوله غواړي دټول جهان دپاره
